काठमाडाैं । काठमाडौंको सोह्रखुट्टे नयाँबजारस्थित इटरनल लाइट पब्लिक स्कुल (इलिप्स)को छात्रावासभित्र एक विद्यार्थी मृत फेला परेका छन् । पाँच कक्षामा पढ्ने १४ वर्षीय अभिषेक तामाङ मंगलबार राति मृत फेला परेका हुन् । धादिङ घर भएका तामाङ स्कुलको होस्टेलमा कोठाभित्र कराँतेको बेल्टको पासो लगाएर झुन्डिएको अवस्थामा फेला परेको प्रहरीले जनाएको छ । घटनाबारे अनुसन्धान भइरहेको र थप विवरण खुल्न नसकेको प्रहरीले बताएको छ।

सिन्धुपाल्चोक  ।  सिन्धुपाल्चोककाे चाैतारा-संगाचाेकगढी नगरपालिका -४ छापमा गएराति भएकाे माेटरसाईकल दुर्घटनामा २ जनाकाे मृत्यु भएकाे छ ।  राति अन्दाजी १२ बजे छापबाट नाैविसे तर्फ जाँदै गरेकाे बा ४५ प ५५४१ नम्बरको माेटरसाइकल दुर्घटना भएकाे हाे। दुर्घटनामा मृत्यु हुनेमा सिन्धुपाल्चोक चाैसा नपा ११ का अमन माझी र बलेफी गापा वडा नम्बर २ का प्रदीप माझी रहेका छन्  । माेटरसाइकल सडकबाट झण्डै ५ सय मिठर तल खसेकाे र दुबै जनाकाे घटनास्थलमै मृत्यु भएकाे वाड नम्बर ४ का अध्यक्ष कुमार शर्माले जानकारी दिए । माेटर साइकल वडा नं. ४ कुविण्डे स्थित शनि डाँडाको भिरबाट खसेकाे हाे ।

काठमाडाैं । उपप्रधान एवं गृहमन्त्री नारायणकाजी श्रेष्ठले सत्ता र सम्पत्तिका लागि जे पनि गर्नेहरूका कारण देश अप्ठ्योरो अवस्थामा आइपुगेको बताएका छन् । वरिष्ठ पत्रकार पुरुषोत्तम दाहालको बाह्रौँ कृति ‘कालपात्र’ सार्वजनिक गर्दै उनले भ्रष्टाचार र कमिसनको साँठगाँठलाई तोडेर मात्र देश बनाउन सकिनेमा जोड दिए । नयाँ मूल्य स्थापित गरेर समाजलाई उन्नत बनाउनुपर्ने उपप्रधानमन्त्री श्रेष्ठको भनाइ थियो । “अहिले जीवन मूल्यमा ह्रास भएको छ, स्वार्थका निम्ति राज्यद्रोह गर्ने मानिस छन्, यस्तो अवस्थामा सफा राजनीतिले मात्र देशलाई परिवर्तन गर्न सक्छ, पार्टी र नेता नबदलिई देश बदलिँदैन, पुस्तकमा लेखकको आशय पनि यही छ, संसारका सुन्दरतम देशमध्ये औँलामा गन्न सकिनेमा नेपाल पनि पर्छ तर हामी…

काठमाडाैं । प्रधानमन्त्री पुष्पकमल दाहाल र पूर्व प्रधानमन्त्री बाबुराम भट्टराई विरुद्धको रिट दर्ता गर्न सर्वोच्च अदालत प्रशासनले अस्वीकार गरेको छ। पूर्व बालसेनाहरूले दर्ता गर्न लागेको रिट सर्वोच्च प्रशासनले जेठ १६ गते दरपीठ गरेको हो। पूर्व बालसेनाहरू लेनिन विष्ट, कृष्णप्रसाद दंगाल, रामेश्वर खड्का, शोभा रायमाझी, तुलसी नेपाल, सागरकुमार चौहान, मदन राई, राजन तामाङ र खेमबहादुर राईको रिट सर्वोच्चले दर्ता गर्न नमानेको हो। नेकपा (माओवादी केन्द्र)को एक दशक लामो सशस्त्र द्वन्द्वकालका बालसेनाहरूको योगदानको अवमूल्यन गरेको भन्दै उनीहरू रिट लिएर सर्वोच्च गएका थिए । द्वन्द्वकालका घटना नियमित अदालतबाट नभई संक्रमणकालीन न्याय संयन्त्रले सम्बोधन गर्न उपयुक्त हुने भन्दै रजिस्ट्रार नारायणप्रसाद पन्थीले रिट दर्ता नहुने आदेश…

काठमाडाैं ।  धादिङमा भिरबाट लडेर आमा–छोराकाे ज्यान गएकाे छ । धादिङकाे बेनिघाट रोराङ गाउँपालिका–२ की १९ वर्षीया अप्सरा चेपाङ र उहाँका दुई वर्षीय छोरा साजनको भिरबाट लडेर ज्यान गएकाे हाे । जिल्ला प्रहरी कार्यालयका प्रमुख प्रहरी उपरीक्षक गौतम मिश्रका अनुसार सोमवार हिजाे घर नजिकै जङ्गलमा छोरा बोकेर घाँस काट्न गएकी अप्सरा भिरबाट लडेकी हुन् । दुवैजनाको  उपचारको क्रममा मलेखु शिक्षण अस्पतालमा ज्यान गएकाे प्रहरीले जनाएकाे छ ।