काठमाडौं । ओखलढुंगाको रूम्जाटारबाट काठमाडौंका लागि छुटेको यात्रुबस सिन्धुलीको फिक्कलमा दुर्घटना हुँदा ६ जनाकाे मृत्यु भएकाे छ । ओखलढुंगाबाट काठमाडौँ आउँदै गरेको बा २ ख ६५९६ नम्बरको बस फिक्कलमा दुर्घटना हुँदा ६ जनाकाे मृत्यु भएको हाे ।
मृत्यु हुनेमा ३ पुरुष र ३ महिला रहेका र मृतककाे परिचय खुल्न नसकेकाे सिन्धुलीका एसपी राजकुमार सिलवालले बताए । उनका अनुसार दुर्घटनामा परेर २९ जना घाइते भएका छन् । घाइतेलाई उपचारको लागी सिन्धुलीको खुर्कोटमा ल्याइँदै छ । बस तिब्र गतिको कारण दुर्घटना भएको प्रारम्भिक अनुसन्धानबाट थाहा भएको एसपी सिलवालले जानकारी दिए ।
बस सडकको भित्तामा ठोक्किएको छ । हाल बस चालक भने फरार रहेका छन् ।
