जाजरकोट। अचम्म लाग्छ गाउँपालिका अध्यक्ष नै हतियार बोकेर गाउँ गाउँमा भन्दा तर, जाजरकोटको कुसे गाउँपालिकाका अध्यक्ष एवम् नेपाली कांग्रेस जाजरकोटका सचिव हरिचन्द्र बस्नेत हतियारसहित गाउँ डुल्न थालेका छन् ।
उनि हतियार सहित गाउँमा हिड्न थाले पछि स्थानीय त्रसित भएका छन् । स्थानीय तहको निर्वाचनको सम्मुखमा उनी गाउँमा हुने गरेका अधिकांश कार्यक्रममा हतियारसहित सहभागी हुन थालेपछि स्थानीय त्रसित भएका हुन् ।
गाउँपालिका अध्यक्ष जहिल्यै हतियारसहित आसेपासे लिएर हिँड्ने गरेको एक जनप्रतिनिधिले बताए । अध्यक्षको आलोचना भई रहेको भए पनि आफूहरुले त्यस्तो नगर्नुस् भन्दा नमान्ने गरेको उनको भनाइ छ छ । अध्यक्ष बस्नेतलाई असुरक्षा हुने कुनै कारण नभएको स्थानीयको भनाइ छ ।
अध्यक्ष बस्नेतलाई त्यस्तो सुरक्षा जोखिमबारे आफूलाई कुनै जानकारी नभएको जिल्ला प्रशासन कार्यालय जाजरकोटका प्रमुख जिल्ला अधिकारी रामबहादुर शाहीले बताए । ‘अध्यक्षले बोक्ने गेको बन्दुक लाइसेन्स प्राप्त बन्दुक भएको र नेपालगन्जमा दर्ता गराएको भन्ने आफूले सुनेको उनको भनाइ छ । लाइसेन्स भएका बन्दुक केही क्षेत्रमा मात्रै बोक्न पाइन्छ, तर, सार्वजनिकरुपमा बोकेर हिँड्न पाईने प्रमुख जिल्ला अधिकारी शाहीले बताए । हतियारको बारेमा बुझ्न प्रहरीलाई निर्देशन दिएको प्रजिअ शाहीको भनाइ छ ,
